ഇമെയിലിന്റെ പാസ്സ്‌വേര്‍ഡ് ചോര്‍ന്നാലും ലോഗിന്‍ ചെയ്യാന്‍ പറ്റാതാക്കാം

ഒരു കാരണവും ഇല്ലാതെ പലരുടെയും ഇമെയിലുകള്‍ രഹസ്യമായി ചോര്‍ത്തുന്ന ഈ അവസരത്തില്‍ ഗൂഗിളിന്റെ 2-step verification നെ കുറിച്ചായിക്കോട്ടേ ഇത്തവണത്തെ പോസ്റ്റ്‌. ഗൂഗിളിന്റെ വളരെ അഡ്വാന്‍സ്ട് ആയിട്ടുള്ള ഒരു സൈന്‍-ഇന്‍ രീതിയാണ് 2-step verification. നമ്മുടെ ഇമെയില്‍ അഡ്രസ്സും പാസ്സ്‌വേര്‍ഡും ഒരാള്‍ക്ക് കിട്ടി എന്നിരിക്കട്ടെ, എന്നാലും ആ ആള്‍ക്ക് നമ്മുടെ ജിമെയില്‍ അക്കൗണ്ടിലേക്ക് കയറാന്‍ പറ്റില്ല എന്നതാണ് ഈ സംവിധാനം. അതായത് നമ്മുടെ ഇമെയില്‍ അഡ്രസ്സും പാസ്സ്‌വേര്‍ഡും കൂടാതെ നമ്മുടെ മൊബൈല്‍ ഫോണും ഉണ്ടെങ്കില്‍ മാത്രമേ നമ്മുടെ ജിമെയില്‍ അക്കൗണ്ടിലേക്ക് ഒരാള്‍ക്ക്‌ ലോഗ് ഇന്‍ ചെയ്യാന്‍ പറ്റൂ എന്ന്.
ഈ 2-step verification നും ഗൂഗിള്‍ ഫ്രീ ആയി നല്‍കുന്നതായത് കൊണ്ട് ഇതും സുരക്ഷിതമാണ് എന്ന് പറയാന്‍ കഴിയില്ല. വെറുതെ ഒരു ശ്രമം.

ഇനി ഇത് എങ്ങിനെ നിങ്ങളുടെ ജിമെയില്‍ അക്കൗണ്ടുമായി ആക്റ്റിവേറ്റ് ചെയ്യുന്നത് എന്ന് നോക്കാം.

ആദ്യം നിങ്ങളുടെ ഗൂഗിള്‍ അക്കൗണ്ട്‌ സെറ്റിംഗ്സിൽ പോവുക. സെറ്റിംഗ്സിൽ പോവാന്‍ താഴെ കാണുന്ന ലിങ്കില്‍ പോവുക.
https://www.google.com/settings/

സെറ്റിംഗ്സ് പേജ് ലോര്‍ഡ് ചെയ്തതിനു ശേഷം, 2-step verification നു നേരെ കാണുന്ന എഡിറ്റ്‌ ലിങ്കില്‍ ക്ലിക്ക് ചെയ്യുക.


പിന്നെ കിട്ടുന്ന പേജില്‍ "സ്റ്റാര്‍ട്ട്‌ സെറ്റപ്പ്" ബട്ടണ്‍ ക്ലിക്ക് ചെയ്യുക.

അടുത്ത പേജില്‍ നിങ്ങള്‍ ഇപ്പോള്‍ സ്ഥിതി ചെയ്യുന്ന രാജ്യം സെലക്ട്‌ ചെയ്തതിനു ശേഷം അവിടെ ഉപയോഗിക്കുന്ന മൊബൈല്‍ നമ്പര്‍ എന്റര്‍ ചെയ്യുക. താഴെ കാണുന്ന SMS text message സെലക്ട്‌ ചെയ്തതിനു ശേഷം Send code ബട്ടണ്‍ ക്ലിക്ക് ചെയ്യുക.


ആ നിമിഷം തന്നെ നിങ്ങളുടെ മൊബൈല്‍ ഫോണില്‍ ഒരു കോഡ് SMS ആയി വന്നിട്ടുണ്ടാവും. ആ ആറക്ക കോഡ് കമ്പ്യൂട്ടറില്‍ അടിച്ച് Verify ബട്ടണ്‍ ക്ലിക്ക് ചെയ്യ്തതിനു ശേഷം താഴെ കാണുന്ന Next ബട്ടണ്‍ അമര്‍ത്തുക.

ശേഷം വരുന്ന പേജിലും Next ബട്ടണ്‍ അമര്‍ത്തുക.


അതിനു ശേഷം കാണുന്ന TURN ON 2-STEP VERIFICATION ബട്ടണ്‍ അമര്‍ത്തി ഈ സംവിധാനം ഓണ്‍ ചെയ്യുക.

നിങ്ങള്‍ ഈ സെയിം അക്കൗണ്ട്‌ നിങ്ങളുടെ മറ്റേതെങ്കിലും ഉപകരണത്തില്‍ (Android, IPHONE , outlook ...തുടങ്ങിയ) ഉപയോഗിക്കുന്നുണ്ടെങ്കില്‍ മാത്രം അടുത്ത വിന്‍ഡോയില്‍ Create passwords ക്ലിക്ക് ചെയ്തു മുന്നോട്ടു പോയാല്‍ മതി. അല്ലെങ്കില്‍ ഇത് പിന്നീട് സെറ്റപ്പ് ചെയുകയും ആവാം. Android ഫോണില്‍ Google Authenticator എന്ന ഒരു സ്പെഷ്യല്‍ സോഫ്റ്റ്‌വെയര്‍ തന്നെ ഗൂഗിള്‍ ഇതിനായി ഇറക്കിയിട്ടുണ്ട്.

ശേഷം നിങ്ങളുടെ അക്കൗണ്ടി നിന്നും ലോഗ്-ഔട്ട്‌  ചെയ്യുക. എന്നിട്ട് വിന്‍ഡോ ക്ലോസ് ചെയ്യുക.  എന്നിട്ട് പുതിയ ഒരു വിന്‍ഡോ തുറന്ന് നിങ്ങളുടെ ജിമെയില്‍ അക്കൗണ്ടിലേക്ക് ലോഗിന്‍ ചെയ്യുക. യൂസര്‍ ID യും പാസ്സ്‌വേര്‍ഡും അടിച്ച ആ നിമിഷം നിങ്ങളുടെ മൊബൈല്‍ ഫോണില്‍ ഒരു SMS വന്നിട്ടുണ്ടാവും. ആ SMS ല്‍ കാണുന്ന ആറക്ക കോഡ് നിങ്ങള്‍ ജിമെയിലില്‍ ലോഗിന്‍ ചെയ്യാന്‍ ശ്രമിച്ച കമ്പ്യൂട്ടറില്‍ കാണുന്ന വെരിഫിക്കേശന്‍ പേജില്‍ എന്റര്‍ ചെയ്തു Verify ബട്ടണ്‍ അമര്‍ത്തിയാല്‍ മാത്രമേ നിങ്ങള്‍ക്ക് നിങ്ങളുടെ ഇന്‍ബോക്സിലേക്ക് എത്താന്‍ പറ്റൂ.
ഓരോ തവണ ലോഗിന്‍ ചെയ്യുമ്പോഴും ഈ കോഡ് നിങ്ങളുടെ മൊബൈല്‍ ഫോണിലേക്ക് SMS ആയി വരും. വേണമെങ്കില്‍ 30 ദിവസത്തേക്ക് ഈ ഒരു കോഡ് തന്നെ ഉപയോഗിക്കാനുള്ള സൌകര്യവും കോഡ് വെരിഫൈ ചെയ്യുന്ന പേജില്‍ കാണാം.

പോസ്റ്റ് ഇഷ്ട്ടപ്പെട്ടെങ്കില്‍ കമന്റ്‌ ഇടാന്‍ മറക്കരുത് Open-mouthed smile Smile with tongue out Winking smile Hot smile

 
Copyright 2008 IToxy